दक्षिण कोरियामा रुपन्देही वासीहरूको बृहत् भेटघाट तथा बनभोज कार्यक्रम हुँदै

सियोल। दक्षिण कोरियामा रहेका रुपन्देहीवासी नेपालीहरूबीच आपसी एकता, सद्भाव र भाइचारालाई थप मजबुत बनाउने उद्देश्यले रुपन्देही सम्पर्क समिति दक्षिण कोरिया ले “बृहत् भेटघाट तथा बनभोज कार्यक्रम–२०२६” आयोजना गर्ने भएको छ।

समितिका अनुसार कार्यक्रम जुलाई १८ र १९, २०२६ (शनिबार र आइतबार) ग्योङ्गी प्रदेशको गाप्यङ (Gapyeong) स्थित 늘푸른캠프 펜션 (Neulpureun Camp Pension) मा सञ्चालन हुनेछ।

कार्यक्रममा दक्षिण कोरियाभर रहेका रुपन्देहीवासी तथा नेपाली समुदायलाई सहभागी भई आपसी सम्बन्ध सुदृढ बनाउन आयोजकले आग्रह गरेको छ।कार्यक्रमका मुख्य आकर्षणहरूमा सामूहिक भेटघाट, स्वादिष्ट नेपाली परिकार, सांगीतिक प्रस्तुति तथा विभिन्न मनोरञ्जनात्मक खेलकुद प्रतियोगिताहरू समावेश रहेका छन्।

सहभागिताका लागि पुरुषको ₩१००,०००, महिला तथा विद्यार्थीको ₩७०,०००, परिवारको ₩१५०,००० र आफ्नै सवारीसाधन प्रयोग गर्नेको ₩८०,००० शुल्क निर्धारण गरिएको छ। साथै, सुवन र सउलबाट आउने–जाने बसको व्यवस्था समेत गरिएको आयोजकले जनाएको छ।

कार्यक्रमलाई सफल बनाउन विभिन्न सामाजिक संघसंस्था तथा व्यवसायिक संस्थाहरूले सहयोग गरेका छन् भने News Kinara लगायतका सञ्चारमाध्यमहरू मिडिया पार्टनरका रूपमा रहेका छन्।

आयोजकले दक्षिण कोरियामा रहेका सम्पूर्ण रुपन्देहीवासी तथा नेपाली समुदायलाई कार्यक्रममा सहभागी भई आत्मीय भेटघाट, अनुभव आदान–प्रदान र मनोरञ्जनका साथ कार्यक्रम सफल बनाउन अनुरोध गरेको छ।