कास्की परिवार दक्षिण कोरियाको बृहत बनभोज २०२६ मे २–३ मा 원주 힐링파크मा हुँदै

दक्षिण कोरियामा रहेका नेपालीहरूबीच आपसी सद्भाव, भाइचारा र आत्मीयता अभिवृद्धि गर्ने उद्देश्यसहित कास्की परिवार दक्षिण कोरिया ले आफ्नो वार्षिक कार्यतालिका अनुसार यस वर्षको ‘बृहत बनभोज (Picnic) कार्यक्रम २०२६’ आगामी मे २ र ३ तारिख मा 강원도 원주 स्थित रमणीय ‘원주 힐링파크’ मा आयोजना गर्ने भएको छ।

“व्यस्ततालाई थाती राखौँ, प्रकृतिको काखमा एक दिन आफ्नै लागि बाँचौँ!” भन्ने मूल नाराका साथ आयोजना हुन लागेको यस कार्यक्रमले दक्षिण कोरियामा रहेका नेपाली दाजुभाइ तथा दिदीबहिनीहरूलाई एकै ठाउँमा भेला गराई आत्मीय भेटघाट, मनोरञ्जन र सांस्कृतिक एकताको अवसर प्रदान गर्ने विश्वास लिइएको आयोजकले जनाएको छ।

कार्यक्रमलाई थप आकर्षक र स्मरणीय बनाउन यस वर्ष विभिन्न मनोरञ्जनात्मक तथा सांस्कृतिक गतिविधिहरू समावेश गरिएको छ। सहभागीहरूले मौलिक नेपाली परिकारहरू तथा विशेष Korean BBQ Party को स्वाद लिन पाउनेछन्। त्यसैगरी खुल्ला आकाशमुनि सामूहिक दोहोरी, सांगीतिक तथा सांस्कृतिक प्रस्तुति, गायन तथा नृत्य प्रतिभाका लागि खुल्ला मञ्च, घैँटो फुटाई, फुट भलिबल प्रतियोगिता, तथा म्युजिकल चेयर जस्ता रमाइला कार्यक्रमहरू पनि रहनेछन्।

सहभागिताका लागि आयोजकले निम्नानुसार दर्ता शुल्क निर्धारण गरेको छ:पुरुष – ₩100,000, महिला/विद्यार्थी – ₩80,000, पारिवारिक सहभागिता – ₩160,000, र Self-Drive – ₩80,000।कार्यक्रम मे २ शनिबार बेलुकी ५:०० बजेबाट औपचारिक रूपमा सुरु हुनेछ। सहभागीहरूको सहजताका लागि सउल र सुवनबाट बसको विशेष व्यवस्था गरिएको छ भने KTX/Train मार्फत आउनेहरूका लागि 서원주역 (Seowonju Station) पायक पर्नेछ।

थप जानकारी तथा नाम दर्ताका लागि इच्छुक व्यक्तिहरूले निम्न सम्पर्क नम्बरहरूमा सम्पर्क गर्न सक्नेछन्:सन्तोष गुरुङ – 010-2153-2881,खोमप्रसाद गुरुङ – 010-2511-1124,प्रविण गिरी – 010-5637-0286,बुद्धी गुरुङ – 010-4239-3305

सन्तोष पौडेल – 010-6467-8273,पुष्प भण्डारी – 010-5835-8911,परि गुरुङ – 010-3038-5696,विजय गुरुङ – 010-9680-8507,सुनिल गुरुङ – 010-3540-7489,अम्मर थापा मगर – 010-5943-5186,चिरञ्जीबी के.सी. (रोहन) – 010-2401-8815,सि.बी. कार्की – 010-9680-8507

गण्डकी प्रदेश समाज दक्षिण कोरिया तथा गण्डकी प्रदेश अन्तर्गतका ११ वटै जिल्ला समाज/परिवारका प्रतिनिधिहरू, साथै कोरियामा रहेका सम्पूर्ण नेपाली समुदायलाई यस भव्य उत्सवमा सहभागी हुन आयोजकले हार्दिक निमन्त्रणा गरेको छ।