नेपाल तामाङ घेदुङ दक्षिणकोरिया सउल केन्द्र द्वारा संस्थाको १२औ महाधिवेशन नोभेम्बर २३मा गर्ने

सउल, दक्षिण कोरिया -नेपाल तामाङ घेदुङ दक्षिण कोरिया सउल केन्द्रले संस्थाको १२औं महाधिवेशन २०२५ नोभेम्बर २३ (आइतबार) का दिन आयोजना गर्ने भएको छ।

संस्थाका अनुसार महाधिवेशन सउलस्थित 종로구 창신길 51, 5층 MG 새마을금고 동대문 हलमा आयोजना हुनेछ।동대문 स्टेशनको गेट नं. १, २ वा ३ बाट करिब ४ मिनेट पैदल दूरीमा कार्यक्रम स्थल रहेको छ।

महाधिवेशन दिनको ठिक १२:०० बजे सुरु हुने र कार्यक्रममा कोरियामा रहेका तामाङ समुदायका प्रतिनिधिहरू, सल्लाहकार, पदाधिकारी तथा विभिन्न शाखाका सदस्यहरूको उपस्थिति रहने अपेक्षा गरिएको छ।

संस्थाले उक्त अवसरमा सबै महानुभावहरूलाई हार्दिक निमन्त्रण गरेको छ।कार्यक्रमको नारा “तमाङ भाषा, धर्म, कला, संस्कार, संस्कृतिको प्रवर्द्धन गरौं – आफ्नो पहिचान र अस्तित्वका लागि एक हौं।” राखिएको छ।

नेपाल तामाङ घेदुङ दक्षिण कोरिया सन् २००३ मा स्थापना भएको हो र संस्थाले कोरियामा बसोबास गर्ने तामाङ समुदायबीच भाषा, धर्म, कला र संस्कृतिको संरक्षण र प्रवर्द्धनका लागि निरन्तर गतिविधि सञ्चालन गर्दै आएको छ।