जनवारी २८ किम्हेमा हुने सलनाल डान्स पार्टी ङोलो-ङोल्स्यो रमाईलो साँझ-२०२५ को तयारी पुरा

दक्षिण कोरियाको ख्याङ्नाम शहरको किम्हेमा जनवरी २८ तारिक कोरियन नयाँ वर्षको अवसरमा हुने"सलनाल डान्स पार्टी ङोलो-ङोल्स्यो रमाईलो साँझ-२०२५" को तयारी पुरा भएको छ । तमू धीं दक्षिण कोरिया ख्यङ्साङ्नाम्दो बुसान शाखाको आयोजनामा तमू धीं सेल्टर व्यवस्थापन सहयोगार्थ तथा गुरुङ भाषा अक्षयकोष सहयोगार्थ उद्देश्य लिएर आयोजना गर्न लागेको उक्त रमाईलो साँझ किम्हेको सुविधा सम्पन्न हल (김해시 거야로 202 (태평포시즌 101 호) मा गरिने भएको छ।

नेपाली  DJ  SBD को साथमा  र्‍यापरहरु दिनेश गुरुङ, प्रकाश गिरी र सुनिल राई लगायतको प्रस्तुति रहने आयोजक संस्थाका अध्यक्ष गिता सिंहले जनआवाजलाई जानकारी गराए। प्रवेश शुल्क २० हजार कोरियन वोन निर्धारण गरिएको उक्त "सलनाल डान्स पार्टी ङोलो-ङोल्स्यो रमाईलो साँझ-२०२५"  बेलुका ७ बजेदेखि बिहान ५ बजेसम्म रमाउन सकिनेछ भने  कार्यक्रम हलसम्म जान किम्हेको  लिट्टल ईण्डिया रेष्टुरेण्ट बाट  नि:शुल्क बसको व्यवस्था समेत गरिएको संस्थाका सचिव हेमन्त गुरुङले बताए ।

दक्षिण कोरियाको ख्याङ्नामस्थित विभिन्न संघ संस्थाहरुसँग सहकार्य र समन्वय गर्दै सामजिक कार्यमा अग्रसर रहँदै आएको तमू धीं ख्यङ्साङ्नाम्दो बुसान शाखाद्धारा आयोजित सो कार्यक्रममा सहभागी भई कार्यक्रम सफल बनाईदिनुहुन सम्पूर्ण ख्याङ्नामबासी नेपाली दाजुभाई तथा दिदीबहिनीहरु लगायत सामाजिक अभियन्ताहरुमा उपस्थित भई मनोरन्जन लिन आयोजकले हार्दिक अनुरोध गरेको छ ।