मगर सांस्कृतिक पहिचान झल्काउने मौलिक पञ्चेबाजा गीत ‘तिम्रै नाममा चलेको ढुकढुकी’ सार्वजनिक

मगर समुदायको मौलिक संस्कृति र पहिचानलाई उजागर गर्ने उद्देश्यका साथ तयार पारिएको पञ्चेबाजा गीत ‘तिम्रै नाममा चलेको ढुकढुकी’ औपचारिक रूपमा सार्वजनिक गरिएको छ। जितन भाईको प्रस्तुति तथा अवधारणामा बनेको यस गीतमा देवी घर्ती र रेशम निर्दाेशको सुमधुर स्वर रहेको छ। गीतका शब्द तथा संगीत स्वयम् जितन भाईले सिर्जना गरेका हुन्।

यस गीतमा याम थापा मगरले संगीत संयोजन गरेका छन्। 1DB HD नेक्स्ट लेभल स्टुडियोमा गरिएको रेकर्डिङ्गलाई HBN किस्मतले मीक्स गरेका छन्।

भिडियो निर्देशनको जिम्मेवारी सज्जन कुमार सिंहले वहन गरेका छन्। भिडियोमा हमा लक्ष्मी मगर, दुर्गा तियार पुन, र जितन भाई स्वयंले अभिनय गरेका छन्।

दृश्यलाई कलात्मक बनाउने क्रममा सोनम पराजुलीको सिनेमाटोग्राफी र नवीन घर्ती मगरको सम्पादन महत्वपूर्ण तत्व बनेका छन्। भिडियो व्यवस्थापनमा सरोज रेग्मी, मेकअपमा एलिजा भुजेल रहेका छन्।

गीत तथा भिडियो निर्माणको सम्पूर्ण प्रक्रियामा Kyungmi Lee (Korea), याम श्रीस मगर, मनिलाल घर्ती मगर, अबिकला घर्ती मगर, साथै नेपाल मगर संघ कोरिया थेगु शाखा तथा सगरमाथा नौमति पञ्चेबाजा छिरवन कोरियाले विशेष सहयोग पुर्‍याएका छन्।

साथै, नेपाल मगर संघ कोरिया केन्द्र, किम्हे–बुसान शाखा, गजेदी–गजेदो शाखा, छल्ला–मोक्पो शाखा, जेजुदो शाखा, तथा बाग्लुङ समाज थेगु शाखाले पनि गीत सार्वजनिकमा महत्वपूर्ण सहयोग गरेका छन्।

पोस्ट–प्रोडक्सन Adventure Entertainmentले सम्पन्न गरेको यो गीतले मगर समुदायको मौलिकता, पञ्चेबाजाको सांस्कृतिक सौन्दर्य र प्रेम कथालाई जीवन्त रूपमा प्रस्तुत गर्ने अपेक्षा गरिएको छ।

Jitan Bhai Official YouTube Channel मा गीत हेर्न र सुन्न सकिने छ।