दक्षिण कोरियामा दोस्रो लखन थापा मगर स्मृति भलिबल कप २०२६ आयोजना हुने

न्युज किनारा | खेल समाचार

सउल । नेपाल मगर संघ, गणतन्त्र कोरियाको आयोजनामा दोस्रोऔँ लखन थापा मगर स्मृति भलिबल कप–२०२६ आगामी जुलाई ५, २०२६ मा आयोजना हुने भएको छ। प्रतियोगिता सुवनस्थित Ajou University Volleyball Stadium मा सञ्चालन हुनेछ।

प्रतियोगितामा विजेता टोलीले २५ लाख वन, ट्रफी, मेडल तथा प्रमाणपत्र प्राप्त गर्नेछ भने उपविजेताले १५ लाख वन, ट्रफी, मेडल र प्रमाणपत्र प्राप्त गर्ने आयोजकले जनाएको छ। त्यस्तै, सेमिफाइनलमा पुग्ने दुई टोलीलाई जनही ५ लाख वन प्रदान गरिनेछ।

व्यक्तिगत विधातर्फ उत्कृष्ट खेलाडीलाई १ लाख वन, उत्कृष्ट कोचलाई ५० हजार वन, तथा उत्कृष्ट स्पाइकर, लिफ्टर, डिफेन्डर र ब्लकरलाई जनही ५० हजार वन, ट्रफी र प्रमाणपत्र प्रदान गरिनेछ।

प्रतियोगितामा सहभागी हुन चाहने टोलीहरूले जुन २८, २०२६ भित्र दर्ता गरिसक्नुपर्नेछ। टोली दर्ता शुल्क ३ लाख ५० हजार वन निर्धारण गरिएको छ।

दक्षिण कोरियामा रहेका नेपाली समुदायबीच आपसी भाइचारा, सद्भाव र खेलकुद विकासलाई प्रवर्द्धन गर्ने उद्देश्यका साथ आयोजना हुँदै आएको यो प्रतियोगिता नेपाली समुदायको प्रतीक्षित खेल महोत्सवका रूपमा स्थापित हुँदै आएको छ।

आयोजक: नेपाल मगर संघ, दक्षिण कोरिया

मिति: ५ जुलाई २०२६

स्थान: अजु विश्वविद्यालय भलिबल स्टेडियम, सुवन

टिम दर्ताको अन्तिम मिति: २८ जुन २०२६