दक्षिण कोरियाको सियोलमा बुद्ध जयन्तीको अवसरमा “Peace Parade” आयोजना हुने

Buddha Was Born in Nepal” भन्ने मूल सन्देशलाई विश्वभर फैलाउने उद्देश्यसहित दक्षिण कोरियाको राजधानी सियोलको मुटु गाङ्नाममा शान्तिपथ (Peace Parade) आयोजना हुने भएको छ।

नागार्जुन गुम्बा सियोल दक्षिण कोरिया तथा बौद्ध परिवारको आयोजनामा आगामी मे २४, २०२६ साँझ ६ बजे कार्यक्रम आयोजना गरिने जनाइएको छ। बुद्ध जयन्तीको अवसरमा हुने उक्त शान्तिपथ यात्रामा सहभागी भई कार्यक्रमलाई भव्य र सभ्य रूपमा सफल बनाउन आयोजकले दक्षिण कोरियामा रहेका सम्पूर्ण नेपाली समुदायलाई हार्दिक अनुरोध गरेको छ।

कार्यक्रम सियोल विशेष सहर गाङ्नामगु 양재대로 340 (개포동) स्थित क्षेत्रमा आयोजना हुने बताइएको छ। साथै कार्यक्रमस्थलसम्म पुग्नका लागि 양재역 र 강남역 बाट बस सेवा सम्बन्धी जानकारी समेत सार्वजनिक गरिएको छ।

양재역 (Yangjae Station) Exit 5 बाट नं. 10 बस चढेर 능인선원 अगाडि पुग्न सकिनेछ भने,강남역 (Gangnam Station) Exit 11 बाट ४४२२ तथा N64 नम्बर बसमार्फत पनि कार्यक्रम स्थल पुग्न सकिने जानकारी दिइएको छ।

बुद्ध जयन्तीको अवसरमा आयोजना हुने उक्त कार्यक्रममा दक्षिण कोरियामा रहेका नेपाली समुदायको उल्लेख्य सहभागिता रहने अपेक्षा गरिएको छ।

स्थान:서울특별시 강남구 양재대로 340 (개포동)

मिति: 24th May 2026

समय: साँझ 6:00 बजे

सम्पर्क: 010-9261-0154