हान्वा ओसन तामाङ समाज दक्षिण कोरियाद्वारा रु. ७० हजार सहयोग, ग्रीन एण्ड क्लिन अशिका फाउन्डेसनलाई हस्तान्तरण

 दक्षिण कोरिया,भ्रष्टाचारविरुद्ध नागरिक सचेतना, “एक रुपैयाँ न्यानो अभियान”, जेन्जी आन्दोलनका घाइतेहरूको उपचार सहयोग लगायत विभिन्न सामाजिक अभियानमा सक्रिय रहँदै आएकी समाजसेवी आशिका तामाङलाई हान्वा ओसन तामाङ समाज, दक्षिण कोरिया को तर्फबाट पठाइएको रु. ७०,००० (सत्तरी हजार रुपैयाँ) सहयोग रकम Green & Clean Ashika Foundation लाई हस्तान्तरण गरिएको छ।

उक्त रकम सामाजिक कार्य प्रयोजनका लागि सहायोग गरिएको हो। सहयोग रकम हस्तान्तरण तथा व्यवस्थापनमा संस्थाका पूर्व अध्यक्ष विश्वास ब्लोन तामाङले महत्वपूर्ण भूमिका निर्वाह गर्नुभएको छ।

आशिका तामाङले कोरियामा रहनुभएका नेपाली समुदायले देखाएको यस सहयोग भावनाको उच्च प्रशंसा गर्दै, यस रकमलाई विशेष गरी विपन्न ग्रामीण क्षेत्रका बालबालिकाको शिक्षा, स्वास्थ्य तथा जीवनस्तर उकास्न लक्षित गरी प्रयोग गरिने जानकारी दिनुभयो।

हान्वा ओसन तामाङ समाज दक्षिण कोरियाले भविष्यमा पनि नेपालका सीमान्तकृत तथा विपन्न समुदायका बालबालिकाका लागि निरन्तर सहयोग अभियानहरू सञ्चालन गर्ने प्रतिबद्धता व्यक्त गरेको छ।