तमू धीं ख्याङसाङ शाखा द्वारा"प्रथम छयांजलो सांगितिक सौगात २०२६" आयोजना गर्ने

दक्षिण कोरिया, ख्याङसाङनाम्दो बुसान - यहि आउने कोरियन महान चार्ड सलनालको दोश्रो दिन फेब्रुअरी-१६-२०२६ सोमबार, दक्षिण कोरियाको दक्षिण भेग ख्याङसाङ बुसान क्षेत्रमा स्थापित संस्था तमू धीं दक्षिण कोरिया ख्याङसाङनाम्दो बुसान शाखाले " प्रथम क्षयांजलो सांगितिक सौगात २०२६ आयोजना गर्ने भएको छ ।

 "अनाथ, असाय बालबालिका सहयोगार्थ" सांगितिक कार्यक्रम गर्न गईरहेकोले किम्हे/बुसान लगायत दक्षिण कोरिया भर स्थापित संघ-संस्था बाट सकारात्मक सल्लाह सुझाव सहित साथ तथा सहयोगको अपेक्षा गर्दै संस्थाको वर्तमान अध्यक्ष प्रवेश गुरूङ ले अन्य संस्थालाई कार्यक्रम नझुदाउन हुन अनुरोध गरिएको  "न्यूज किनारा" लाई जानकारी गराउनु भएको थियो ।

 कार्यक्रमको पूर्व तयारी तिव्र रूपमा अघि बढिसकेको र कार्यक्रम सभ्य , भव्य रूपमा सम्पन्न गर्न नेपाल बाट ख्याति प्राप्त र चर्चित कलाकार आमन्त्रण गरिने र आमान्त्रित कलाकार, कार्यक्रम हल लगायत कार्यक्रम सम्बन्धी सम्पुर्ण जानकारी छिट्टै अवगत गराऊने  कुरा आयोजकले न्यूज किनारालाई बताए।