मार्च ९ तारिक FNJ कोरियाको साधारणसभा तथा अन्तरक्रिया कार्यक्रम हुने निश्चित सम्पूर्ण तयारी पूरा

दक्षिण कोरिया,मार्च ९ तारिक आइतबार नेपाल पत्रकार महासंघ दक्षिण कोरिया शाखाले  गर्ने भनिएको साधारणसभा एवंम नेपाली श्रमिकको अवस्था र पत्रकार महासंघको भुमिका बिषयक अन्तरक्रिया कार्यक्रमको सम्पूर्ण तयारी पुरा भएको छ।

दक्षिण कोरियाको राजधानी सौल स्थित दोङ्देमुनको से-माउल बैङ्कको पाचौ तलामा आयोजना हुन गईरहेको कार्यक्रममा ३०० भन्दा बढि नेपाली समुदायको उपस्थित रहने अपेक्षा रहेको महासंघले जनाएको छ।सन् २००७ मा स्थापना भएको नेपाल पत्रकार महासंघको दक्षिण कोरिया शाखाले पत्रकारिता क्षेत्रसँग सम्बन्धित तथा अन्य समाजिक विषयहरुमा बैठक, भेला, सभा, सम्मेलन, गोष्ठि, अन्तरक्रिया, कोरियामा रहेको विभिन्न नेपाली समुदाय संघ संस्थाहरुसंग सहकार्य,सहजीकरण एवंम खबरदारी कार्यक्रम प्रशिक्षण लगायतका विभिन्न रचनात्मक गतिविधिहरु सञ्चालन गर्दै आइरहेको छ।

कार्यक्रमको उदघाटनका लागि नेपाल पत्रकार महासंघको केन्द्रीय प्रतिनिधि, दक्षिण कोरियाका लागि नेपाली राजदुतावासका श्रम काउन्सूलर मैया कंडेल लगायत नेपाली संघ संस्थाका प्रतिनिधिहरु एवं कोरियाली समुदायका विशिष्ट व्यक्तित्वहरु कार्यक्रममा सहभागि हुने महासचिव बासुदेव भट्टले जानकारी दिएl

कार्यक्रममा कोरियामा रहेर देश र समुदायका लागि महत्वपूर्ण योगदान पुर्याएका ब्यक्ति हरुलाई सम्मान साथै उक्त कार्यक्रमले यहाँ रहेका नेपाली श्रमिक र बिध्यार्थीहरुको लागि कोरियाको बसाईं सहज र सरल बनाउनका लागि ठुलो भुमिका खेल्ने संस्थाका कार्यबाहक अध्यक्ष सन्तोष खड्काले बताएका छन्।