हेडौँडा उपमहानगरपालिकाले गर्‍यो महत्वपूर्ण निर्णय—घरधनी, व्यापारी र नगरबासीलाई राहतका पहल

हेडौँडा – हेडौँडा उपमहानगरपालिकाले पछिल्लो निर्णयमार्फत घरधनी, व्यापारी तथा स्थानीय बासिन्दालाई प्रत्यक्ष राहत पुग्ने केही महत्वपूर्ण घोषणाहरू सार्वजनिक गरेको छ। नगर क्षेत्र विकास, पुनर्निर्माण र भौतिक व्यवस्थापनलाई सुव्यवस्थित बनाउने उद्देश्यसहित नगरपालिकाले विभिन्न पहल अघि सारेको छ।

नगरपालिकाले घर निर्माणमा लाग्ने खर्चका लागि सहुलियत ऋण उपलब्ध गराउन राष्ट्र बैंकसँग औपचारिक अनुरोध गर्ने जनाएको छ। यससँगै व्यवसायीहरूलाई कर छुट, तथा घरवारविहीन नागरिकका लागि आवास व्यवस्था गर्ने पहललाई द्रुत गतिमा अघि बढाइनेछ।

यस्तै, नगरको समग्र विकासका लागि त्रिभुवन राजपथलाई पर्यटकमैत्री राजमार्गमा रुपान्तरण गर्न संघीय सरकार तथा सम्बन्धित निकायलाई सिफारिस गर्ने उल्लेख गरिएको छ।

हेडौँडाको पहिचान झल्किने घरको मोडल तयार गरी सहजीकरण गर्ने, साथै घरको नक्सा पास प्रक्रिया फास्ट ट्र्याकमार्फत गरिने र नक्सा पासको दस्तुरमा छुट दिइने पनि उपमहानगरपालिकाले जनाएको छ।

नगरपालिकाले यस निर्णयमार्फत घरधनी, व्यापारी र नगरवासीले देखाएको धैर्य र सहयोगका लागि आभार व्यक्त गरेको छ।