महेन्द्र माध्यमिक विद्यालयको ७९औँ अभिभावक दिवस सम्पन्न: शैक्षिक गुणस्तर र सहकार्यमा जोड

​भीमफेदी, मकवानपुर

मकवानपुरको भीमफेदी गाउँपालिकास्थित महेन्द्र माध्यमिक विद्यालयले आफ्नो ७९औँ अभिभावक दिवस भव्यताका साथ सम्पन्न गरेको छ। विद्यालय व्यवस्थापन समितिका अध्यक्ष ईश्वरमान श्रेष्ठको सभापतित्वमा आयोजित उक्त कार्यक्रममा गाउँपालिकाका उपाध्यक्ष सञ्जिव श्रेष्ठ प्रमुख अतिथि रहनुभएको थियो।

​कार्यक्रमको अवसरमा विद्यालयले शैक्षिक तथा अतिरिक्त क्रियाकलापमा उत्कृष्ट प्रदर्शन गर्ने पक्षहरूलाई सम्मानित गरेको छ।

२०८२ को परीक्षामा उत्कृष्ट हुने विद्यार्थीहरूलाई पुरस्कार वितरण।,उत्कृष्ट कार्यसम्पादन गर्ने शिक्षकहरूलाई सम्मान पत्र प्रदान।​,विद्यालयलाई सहयोग पुर्‍याउने विभिन्न संघ-संस्था तथा छात्रवृत्ति प्रदायक दाताहरूलाई विशेष सम्मानगरेको छ।

​विद्यालयका प्रधानाध्यापककुमार लामाले आर्थिक वर्ष २०८२/०८३ को आय-व्यय विवरण प्रस्तुत गर्दै आगामी शैक्षिक सत्र २०८३/०८४ का लागि प्रस्तावित कार्यक्रम र योजनाहरू माथि प्रकाश पार्नुभएको थियो। कार्यक्रममा विद्यार्थीहरूले विविध सांस्कृतिक प्रस्तुतिहरू समेत प्रदर्शन गरेका थिए।

​कार्यक्रममा बोल्दै  दलका प्रतिनिधि ​बद्री पौडेल (राष्ट्रिय स्वतन्त्र पार्टी, गाउँ अध्यक्ष) ले विद्यालयले शैक्षिक गुणस्तरमा विशेष ध्यान दिनुपर्ने र नेपाल सरकारको नीति निर्देशन अनुसार मात्र शुल्क निर्धारण गर्नुपर्ने बताउनुभयो। साथै, आर्थिक अभाव परिपूर्तिका लागि गाउँपालिकासँग आवश्यक समन्वय गर्न उहाँको सुझाव थियो।

सोम बहादुर घलान (अध्यक्ष, वडा नं. ६)ले संघीय निर्देशन कार्यान्वयनमा जोड दिँदै भर्ना शुल्क संकलनले अभिभावकमा पर्ने भार कम गर्न विद्यालय व्यवस्थापन समितिबाट निर्णय गराई आगामी बजेटमा माग गर्न सुझाव दिनुभयो।

सुभाष चन्द्र पौडेल (साहित्यकार तथा दाता)लेतिलगंगा गोविन्द स्मृति अक्षयकोषका संस्थापक पौडेलले विद्यालयलाई आफ्नो सहयोग निरन्तर रहने प्रतिबद्धता व्यक्त गर्नुभयो।

​सञ्जिव श्रेष्ठ (प्रमुख अतिथि तथा उपाध्यक्ष)ले  विद्यालयको भौतिक तथा शैक्षिक विकासका लागि आफ्नो व्यक्तिगत तर्फबाट र गाउँपालिकाको तर्फबाट आवश्यक सम्पूर्ण सहयोग रहने घोषणा गर्नुभयो।

​सोही कार्यक्रमको बीचमा साहित्यकार सुभाष चन्द्र पौडेलले ज्योति पुस्तकालयमा नि:शुल्क कम्प्युटर कक्षा सञ्चालनार्थ १० थान कि-बोर्ड र १० थान माउस सहयोग स्वरूप प्रदान गर्नुभयो। उक्त सामग्री सञ्चारकर्मी तथा ज्योति पुस्तकालयका अध्यक्ष सुरेन्द्र राज थिकेलाई हस्तान्तरण गरिएको थियो।

कार्यक्रममा स्थानीय दलीय प्रतिनिधि, सुरक्षा निकायका प्रतिनिधि, शिक्षक, कर्मचारी, विद्यार्थी, अभिभावक तथा सञ्चारकर्मीहरूको  उपस्थिति रहेको थियो।बिधार्थि तथा अभीभाबकको न्युन उपस्थितिमा आयोजक तर्फ बाट कुनै ट्रुटि नरहेको जानकारी गर्दै त्यसप्रति कार्यक्रम सञ्चालक शिक्षिका  सबिना बस्नेतले  क्षमा याचना गरेको थियो ।