स्थानीय तहको सीमा हेरफेर र गाभ्ने प्रक्रिया सुरु, मकवानपुरका यी क्षेत्रहरू चर्चामा भीमफेदी

​भीमफेदी,मकवानपुर

नेपाल सरकारले देशका स्थानीय तहहरूको संख्या, सिमाना हेरफेर र पुनरावलोकन गर्ने प्रक्रियालाई तीव्रता दिएको छ। सङ्घीय मामिला तथा सामान्य प्रशासन मन्त्रालयले हालै 'गाउँपालिका तथा नगरपालिका र वडाको संख्या तथा सिमाना हेरफेर, एक आपसमा गाभिने र नगरपालिका वर्गीकरणको पुनरावलोकन सम्बन्धी मापदण्ड, २०८३' को प्रारम्भिक मस्यौदा तयार पारी राय सुझाव माग गरेसँगै यो बहस जिल्ला तहमा पनि सुरु भएको हो।

स्थानीय सरकार सञ्चालन ऐन, २०७४ को दफा ३, ५, ६, ७ र ८ को व्यवस्थालाई कार्यान्वयन गर्न मन्त्रालयले सातवटै प्रदेशका मुख्यमन्त्री तथा मन्त्रिपरिषद्को कार्यालयलाई पत्राचार गर्दै ३ दिनभित्र राय सुझाव पठाउन निर्देशन दिएको छ।

मन्त्रालयको यो कदमसँगै मकवानपुर जिल्लामा पनि केही स्थानीय तह र वडाहरूको भूगोल हेरफेर हुने वा गाभिने सम्भावना देखिएको छ। भौगोलिक निकटता र प्रशासनिक सुगमतालाई ध्यान दिँदै केही क्षेत्रहरूमा गाभिने चर्चा सुरु भएको छ।

थाहा नगरपालिका कैलाश गाउँपालिकाका वडा नम्बर ५ र ६ लाई थाहा नगरपालिकामा गाभ्न सकिने सम्भावना देखिएको छ।​भीमफेदी गाउँपालिका भीमफेदीको ९ नम्बर वडा र इन्द्रसरोवर गाउँपालिकाको केही भागहरूलाई एक आपसमा समायोजन वा सिमाना हेरफेर गर्ने विषयमा स्थानीय स्तरमा छलफल सुरु भएको छ।

मन्त्रालयका अनुसार स्थानीय तह र वडाहरूको संख्यालाई व्यवस्थित गर्न, सिमानामा रहेका विवाद समाधान गर्न र विद्यमान नगरपालिकाहरूको वर्गीकरणलाई वस्तुनिष्ठ बनाउन नयाँ मापदण्ड ल्याउन लागिएको हो। विशेष गरी साना भूगोल भएका वा कम जनसङ्ख्या भएका स्थानीय तहहरूलाई गाभेर सेवा प्रवाहलाई प्रभावकारी बनाउने सरकारको लक्ष्य रहेको देखिन्छ।

यस मापदण्डमा सरोकारवालाहरूले ३ दिनभित्र मन्त्रालयको ​यो प्रक्रिया अघि बढेमा मकवानपुरको वर्तमान प्रशासनिक नक्सामा ठूलो परिवर्तन आउने निश्चित छ, जसले विकास निर्माण र सार्वजनिक सेवा प्रवाहमा समेत प्रभाव पार्नेछ।