DORZ JOJO को नयाँ नेपाली र्‍याप गीत “PAISA” को म्युजिक भिडियो सार्वजनिक

नेपाली र्‍याप संगीतका चर्चित कलाकार DORZ JOJO ले आफ्नो नयाँ गीत “PAISA” को आधिकारिक म्युजिक भिडियो सार्वजनिक गरेका छन्। “AJAR” एल्बमअन्तर्गत पहिलो सार्वजनिक गीत भएको यो ट्र्याकले समाजमा पैसाको भूमिकालाई प्रष्ट रूपमा प्रस्तुत गर्ने प्रयास गरेको छ।

भिडियोमा दोर्जे जोजो, मनिष सिलवाल, विजय बुढाथोकी, सुस्मिता गुरुङ, दिया खड्का,स्मृति माबो (अनिफुङ), बनी राई, तोरण बुढा, सागर तुम्सान्वा लिम्बु,विशाल गुरुङ, विष्णु श्रेष्ठ, हिमाल अर्याल, योगेश खालिङ राई, संजोक राई, इन्द्र केसी, सरोज सिंहथान, मंगल थमसुहाङ,सुरज रमजान सुनार, अनुप घलान, मिना न्यौपाने, ओनिका घिसिङ,सञ्जय लामा, सञ्जय लिम्बु, हिटलर आङ्बुहाङ, इन्द्र बिके र सुमित गुरुङ आदीको अभिनाय देख्न सकिनेछ ।

यो  भिडियोका निर्देशक नवीन विश्वकर्मा हुन् भने छायांकन दीपक पौडेल (केडी स्टुडियो)ले गरेका हुन् ।यो गीत “AJAR” एल्बमको पहिलो ट्र्याक हो।गीतको शीर्षक “PAISA” (पैसा) ले आर्थिक विषयवस्तुमा केन्द्रित रहेको संकेत गर्दछ। DORZ JOJO ले यस गीतमार्फत नेपाली र्‍याप संगीतमा नयाँ सन्देश दिन खोजेका छन्।

गीतमा पैसाले मानिसको मूल्य निर्धारण गर्ने प्रवृत्ति, समाजको दोहोरो व्यवहार, र व्यक्तिगत संघर्ष जस्ता गहिरा विषयहरू उठाइएको छ।गीतमा देखिएको कलाकारहरूको अभिनय र उत्पादन टोलीको मेहनतले भिडियोको स्तरलाई अझै उचाइमा पुर्‍याएको छ। “PAISA” ले दर्शकहरूलाई पैसा र समाज बीचको सम्बन्धबारे सोच्न बाध्य पार्नेछ।