गणेश तामाङ योञ्जनको शब्द र निर्माण रहेको 'कोरियन लाहुरे ' गीत सार्वजनिक

काठमाडौं- गायक आस्मान लोप्चन र लोकप्रिय गायिका मेलिना राईको स्वरमा सजिएको नयाँ गीत  "कोरियन लाहुरे अनलाईन धाइरहन्छु” यही २०७२ साल जेठ ३ गते, शनिबार (May 17, 2025) सार्वजनिक  भएको छ। उक्त गीत Click Nepal युट्युब च्यानल मार्फत दिउँसो २ बजे सार्वजनिक भएको छ।

गीतमा गणेश तामाङ योञ्जनको शब्द र निर्माण, तथा विशाल काल्तनको संगीत रहेको छ। गीतको संगीत संयोजन तथा मिक्सिङ अर्पण थिङले गरेका छन्।

भिडियोतर्फ, युद्ध लामाको निर्देशन तथा कोरियोग्राफीमा निर्माण गरिएको छ भने दुर्गा श्रेष्ठको क्यामेराबाट छायांकन गरिएको छ। भिडियोमा कलाकार आस्मान लोप्चन र सञ्जना गुरुङको अभिनय रहेको छ। मेकअपको जिम्मेवारी शोभना थापाले सम्हालेकी छन्।

गीत “Korean Lahure” वैदेशिक रोजगारीमा जाने युवाको कथा र भावनालाई आधुनिक शैलीमा प्रस्तुत गर्ने प्रयास गरिएको बताइएको छ।

अहिलेका युवा जमातले धेरै समय सामाजिक सञ्जालमा व्यतित गर्ने र आफ्ना आवश्यकताहरू त्यही खोज्ने गर्छन् । धेरैजसोले आफूलाई मन परेका मान्छेसँग सम्बन्ध पनि सञ्जाल मार्फत नै जोड्ने गर्छन् । परदेशमा रहेका युवा/युवतीले सामाजिक सञ्जाल फेसबुकमा आकर्षक तस्बिर देखेपछि सम्बन्ध जोड्न चाहेका कुराहरूलाई कल्पना गरेर शब्द तयार परिएको  र फोटोकै आधारमा जोडिएको सम्बन्ध भरपर्दो हुन नसक्ने संदेश पनि दिन खोजिएको गीतकार गणेश  योञ्जन तामाङले न्यूज किनारा संगको कुराकानीमा बताउनु भएको छ।