कोरियन लाहुरे अनलाईन धाइरहन्छु गीतको सम्पूर्ण छायांकन सम्पन्न शनिबार सार्वजनिक हुँदै

काठमाडौं- गायक आस्मान लोप्चन र लोकप्रिय गायिका मेलिना राईको स्वरमा सजिएको नयाँ गीत  "कोरियन लाहुरे अनलाईन धाइरहन्छु” यही  शनिबार (May 17, 2025) सार्वजनिक हुने भएको छ। उक्त गीत Click Nepal युट्युब च्यानल मार्फत दिउँसो २ बजे सार्वजनिक गरिने जानकारी प्राप्त भएको छ।

गीतमा गणेश तामाङ योञ्जनको शब्द र निर्माण, तथा विशाल काल्तनको संगीत रहेको छ। गीतको संगीत संयोजन तथा मिक्सिङ अर्पण थिङले गरेका छन्।भिडियोतर्फ, युद्ध लामाको निर्देशन तथा कोरियोग्राफीमा निर्माण गरिएको छ भने दुर्गा श्रेष्ठको क्यामेराबाट छायांकन गरिएको छ। भिडियोमा कलाकार आस्मान लोप्चन र सञ्जना गुरुङको अभिनय रहेको छ। मेकअपको जिम्मेवारी शोभना थापाले सम्हालेकी छन्। वैदेशिक रोजगारीमा  जाने युवाको कथा र भावनालाई आधुनिक शैलीमा प्रस्तुत गर्ने प्रयास गरिएको बताइएको छ।

अहिलेका युवा जमातले धेरै समय सामाजिक सञ्जालमा व्यतित गर्ने र आफ्ना आवश्यकताहरू त्यही खोज्ने गर्छन् । धेरैजसोले आफूलाई मन परेका मान्छेसँग सम्बन्ध पनि सञ्जाल मार्फत नै जोड्ने गर्छन् । परदेशमा रहेका युवा/युवतीले सामाजिक सञ्जाल फेसबुकमा आकर्षक तस्बिर देखेपछि सम्बन्ध जोड्न चाहेका कुराहरूलाई कल्पना गरेर शब्द तयार परिएको  र फोटोकै आधारमा जोडिएको सम्बन्ध भरपर्दो हुन नसक्ने संदेश पनि दिन खोजिएको गीतकार गणेश  योञ्जन तामाङले न्यूज किनारा संगको कुराकानीमा बताउनु भएको छ।

गीतकार गणेश  योञ्जन तामाङ

Click Nepal युट्युब च्यानलमार्फत सार्वजनिक हुने गीतले दर्शक स्रोताको मन जित्ने विश्वास लिइएको छ।