हेटौंडा कपडा उद्योग पुन: सञ्चालनको तयारी,मकवानपुरका सांसदद्वय उप्रेती र गौतम सक्रिय

भीमफेदी, मकवानपुर/मिति: २०८२ चैत्र २१

मकवानपुर क्षेत्र नं. २ का प्रतिनिधि सभा सदस्य माननीय प्रशान्त उप्रेती र क्षेत्र नं. १ का प्रतिनिधि सभा सदस्य माननीय प्रकाश गौतम विगत लामो समयदेखि बन्द अवस्थामा रहेको ऐतिहासिक हेटौंडा कपडा उद्योग लाई पुन: सञ्चालनमा ल्याउन विशेष पहलकदमीका साथ जुटेका छन्।

देशभित्रै रोजगारीका अवसरहरू सिर्जना गर्ने र धराशायी बनेको अर्थतन्त्रलाई टेवा पुर्‍याउने मुख्य उद्देश्यका साथ दुवै जनप्रतिनिधिहरूले संघीय सरकार र सम्बन्धित निकायहरूसँगको छलफललाई तीव्रता दिएका हुन्।

गृह मन्त्रालयको योजना र बजारको सुनिश्चितता हालै गृह मन्त्रालयले अघि सारेको योजना अनुसार नेपाल प्रहरी, नेपाली सेना, सशस्त्र प्रहरी बल, सरकारी कर्मचारी र विद्यार्थीहरूका लागि आवश्यक पर्ने पोसाक (युनिफर्म) स्वदेशमै उत्पादन गर्ने नीतिलाई हेटौंडा कपडा उद्योगले मूर्त रूप दिन सक्ने देखिएको छ। उद्योग पुन: सञ्चालन भएमा यी क्षेत्रका लागि आवश्यक पर्ने कपडाको मागलाई पूर्ति गर्न सकिने र अर्बौँ रुपैयाँ विदेशिनबाट जोगिने विश्वास गरिएको छ।

स्थापना र सहयोग सन् १९७५ (वि.सं. २०३२) मा चीन सरकारको आर्थिक तथा प्राविधिक सहयोग मा यो उद्योगको स्थापना भएको थियो।आफ्नो स्वर्णिम समयमा यस उद्योगले २,००० भन्दा बढी जनशक्तिलाई प्रत्यक्ष रोजगारी प्रदान गरेको थियो।

व्यवस्थापकीय कमजोरी, राजनीतिक हस्तक्षेप र बढ्दो ऋणका कारण यो उद्योग वि.सं. २०५६ साल फागुन देखि पूर्ण रूपमा बन्द भएको थियो। पछि वि.सं. २०५९ मा तत्कालीन सरकारले यसलाई खारेज गर्ने निर्णय गरेको थियो।

दुई दशकभन्दा बढी समयदेखि मेसिनहरू खिया लागेर बसेको र अन्यौलमा रहेको यस कारखानाले अहिले नयाँ नेतृत्व पाएसँगै स्थानीयमा उत्साह थपिएको छ। सांसदद्वय उप्रेती र गौतमका अनुसार उद्योग सञ्चालनमा आउँदा स्वदेशी उत्पादन "मेक इन नेपाल" अभियानलाई बल पुग्ने।रोजगारी कम्तीमा २,००० युवाहरूले प्रत्यक्ष रोजगारी पाउने, जसले वैदेशिक पलायन रोक्न मद्दत गर्नेछ।अर्थतन्त्रमा योगदानआयात प्रतिस्थापन भई देशको व्यापार घाटा कम हुने।

यो पहलले पूर्णता पाएमा मकवानपुर औद्योगिक हबको रूपमा पुन: स्थापित हुने निश्चित देखिन्छ।