गूमीमा हुने एसियाली एथ्लेटिक्स च्याम्पियनसिपमा नेपालबाट पाँच खेलाडीको सहभागिता

गूमी, दक्षिण कोरिया — २०२५ मे २७ देखि ३१ तारिखसम्म दक्षिण कोरियाको ऐतिहासिक तथा सांस्कृतिक सहर गूमी (구미시) मा आयोजना हुने एसियाली एथ्लेटिक्स च्याम्पियनसिपमा नेपालबाट पाँच खेलाडी र एक पदाधिकारी सहभागी हुने भएका छन्।

यो च्याम्पियनसिप एसियाली स्तरको सबैभन्दा प्रतिष्ठित तथा ठुलो खेलकुद प्रतियोगिता हो, जसलाई २०२६ टोक्यो ओलम्पिकको छनोट खेलका रूपमा लिइएको छ। प्रतियोगितामा ४५ देशका १२०० भन्दा बढी खेलाडीहरू सहभागी हुने अपेक्षा गरिएको छ।

नेपाल टोलीको नेतृत्व कोच उषा कुमारी चौधरीले गर्नेछिन्। प्रतियोगितामा सहभागी नेपाली खेलाडीहरू निम्नानुसार छन्:

• चन्द्रकला लामगादे – जेभलिन थ्रो

• फुलमाया राना – १५०० मिटर दौड

• सलिम खान – लङ जम्प

• शिवराज पार्की – १०० मिटर दौड

• मुकेश पाल – १५०० मिटर तथा ५००० मिटर दौड

प्रतियोगिता गूमी सिटी स्पोर्ट्स कम्प्लेक्स (구미시민운동장) मा हुनेछ, जहाँ सबै खेलहरू नि:शुल्क प्रवेश गराइनेछ। आयोजकले कोरियामा रहेका सम्पूर्ण नेपाली संघ-संस्था, खेलप्रेमी र देशप्रेमी समुदायलाई मैदानमा उपस्थित भई नेपाली खेलाडीहरूको उत्साहवर्धन गर्न हार्दिक अनुरोध गरेका छन्।

प्रतियोगिता विवरण:

• मिति: २०२५ मे २७ (मंगलबार) देखि मे ३१ (शनिबार) सम्म

• स्थान: गुमी सिटी स्पोर्ट्स कम्प्लेक्स (구미시민운동장)

• प्रवेश: सबै खेल र सांस्कृतिक कार्यक्रमहरूमा निःशुल्क प्रवेश

स्थान खोज्न ने이버मा टाइप गर्नुहोस्: “구미시민운동장”